حكابة شعبية باللهجة الدارجة

اسمعت الكلام .. كل الكلام لا هو روايه .. ولا بيان .. لكن كلام مثل السهام الو هدف .. والو مرام .. لا قال سرق .. ولا قال نهب .. ولا قال خان ولا قال عطش .. أو ارتوى ولا انحرف .. أو انزوى مثل ما دارج اب هالزمان .. وصاير معانا اب هاالأوان قال كلام بسيط ..معناه غويط اومقصدو مليان قصر الكلام .. يا ساده يا كرام بليله جمع أبو العبد اولادوا وحلف ابحق الله وعبادوا .. ل يقول كلمة الحق .. حتى لو قطع راسو السلطان اوأسيادو قال يا إخوان .. لمن شارون دخل لبنان ابعلم اصحاب لعروش والتيجان اتفرق ربعنا واتشتت شملنا وصار الواحد منا مثل ضايع .. بلا عنوان وصارت القضيه في خطر والثوره في خطر والفلسطيني أصبح وجوده في خطر والدق ع اللي يعرف وين الخطر.. بعد السفر أوين السلامه والأمان وف يوم من الأيام .. شارون ابن صهيون دخل صبرا أشعل عاليها واطيها اب نيران حمرا اوبين اللهب .. شفت الغضب بجباه سمرا .. بيهدر هدر بعز الفجر .. وحق الخضر .. شفت الشبل مثل الصقر.. ف بيوت صبرا اوحوالين صبرا شفت الكهل .. شفت الطفل شفت المره ابحد الرجل ابعيني شفت .. أبو الفدى .. وأختو ندى .. وأبو صخر .. اوزنار ناسف ع الخصر شفت الجميع .. شفت العديد كان الصمود مثل الحديد .. والهمه أقوى من الحديد شفت الجريح مثل الأسد شفت نضال ابن حمد شفت سعد شفت وعد شفت أساطيرابتنولد شفت عرب وأبو عرب عهد بالدم انكتب

دخل اليهود .. بعد الصمود .. عقب ما خلص الفشك من البرود قتلوا الزغار قبل لكبار وب هداك النهار .. عملوا عمايل .. ما عملها هتلر .. ولا من قبلو .. عملوها التتار قتلوا الطفل .. قتلوا الكهل قتلوا المره قبل الرجل .. حتى الوليد سقط شهيد أسروا العديد حرقوا الأرض هتكوا العرض قلعوا الشجر .. صرخ الفدائي .. يا بشر صاح الشبل بايدو الحجر.. ربعي صبر.. ربعي انضرب .. لكنو أبدن م انكسر وين الغضب .. وين اللهب وين البراعه في الخطب .. وآلا اللي صار حالة شغب ! م الهاش علاقه بالعرب .. وأرض العرب !! صبرا انمحت وت دمرت .. عمدانها صارت حطب لكن شعبها م انمحى .. ولا ممكن ابدا ينشطب وبعد اللي جرى ابصبرا .. اوحوالين صبرا زاد الجدال .. دب الصراع .. وقع القتال صار اللي لا ع الخاطر ولا ع البال اتفرق ربعنا اتشتت جمعنا وت غيرت ل حوال انشق الجسم .. اوظل الاسم .. ترددو الأجيال تعب الجمل .. واتحير الجمال زاد الحمل .. وبعدو الشعب شيال .. في الأرض جوال عمرو الشعب م فيوم تعب .. من ضربة الجلاد .. أو قسوة الأغلال ولا عمره سلم للتعب .. غير العتب .. ع اللي بفرط بالحلال .. ع اللي بشجع الانقسام والاقتتال ع اللي نسي صبرا .. واللي جرى ابصبرا ف بيوت صبرا وحوالين صبرا اتوحدت لرجال .. حتى الجثث م اتفرقت .. اتجمعت .. بين المنازل جوه المداخل ع التلال..
يتبع لاحقا ..


Rain Love 11:11